Mae Jacqueline Thomas yn gynrychiolydd gwyrdd ac yn gynrychiolydd dysgu ar gyfer Undeb Community yn Tata Steel, Llanwern, De Cymru, lle mae wedi gweithio ers 15 mlynedd. A hithau wedi’i magu mewn tref lle cloddid am lo a dur yn y 1980au, gwelodd Jacqueline â’i llygaid ei hun yr effaith a gafodd cau’r pyllau ar gymunedau lleol, gan arwain at golli swyddi â chyflogau da a pheri i drefi cyfan fynd i drafferthion. Yn awr, fel un o’r ychydig gynrychiolwyr benywaidd yn y diwydiant, mae hi’n ymgyrchu ar hyd a lled safleoedd Tata Steel am newid teg yn niwydiant dur y DU.