Will yw Cyfarwyddwr a chyd-sylfaenydd Concrete Canvas Ltd, a sefydlwyd yn 2005 i ddatblygu a masnacheiddio technoleg Cynfas Concrid. Mae'r cwmni wedi profi twf cyflym ac fe’i rhestrwyd fel yr ail fusnes gweithgynhyrchu sy'n tyfu gyflymaf yn y DU yn Fast Track 100 y Sunday Times yn 2014. 

Yn flaenorol, bu Will yn gweithio i GKN, QinetiQ, a Gweinyddiaeth Amddiffyn y DU, ac astudiodd Beirianneg Fecanyddol ym Mryste yn ogystal â Berkeley yn yr UDA. Mae gan Will hefyd radd Meistr ar y cyd o Goleg Imperial a’r Coleg Celf Brenhinol, lle’r aeth ati i gyd-ddyfeisio cynnyrch Cynfas Concrid. Yn ystod y cyfnod hwn, mae hefyd wedi dyfeisio sawl dyluniad arall sydd wedi ennill gwobrau, gan gynnwys oergell technoleg isel arloesol ar gyfer gwledydd datblygedig sydd wedi ymddangos mewn darlithiau TED ac sydd wedi’i gefnogi gan sefydliad VC yn yr UDA.

Mae Will wedi ennill Gwobr Dewi Sant (gwobr genedlaethol Cymru) am Arloesedd yn ogystal â Medal Arian gan yr Academi Beirianneg Frenhinol, a ddyfarnwyd i unigolion i gydnabod eu cyfraniad eithriadol i Beirianneg Brydeinig.