Bydd y sesiwn hon yn helpu busnesau yng Nghymru sydd naill ai’n allforio ar hyn o bryd neu sydd â diddordeb mewn allforio. Bydd yn rhoi trosolwg o’r ystod helaeth o gymorth sydd ar gael iddynt drwy Gynllun Gweithredu Cymru ar gyfer Allforio gan Lywodraeth Cymru.

Technoleg i Gychwyn, Tyfu ac Ehangu Eich Busnes Allforio

Mae profiad yn dangos nad oes gan fusnesau broblem dechnolegol. Mae ganddyn nhw broblem cymhwyso technoleg. Mae’r offer cywir yn bodoli ond naill ai dydyn nhw ddim wedi clywed amdano, wedi edrych arno flynyddoedd yn ôl ac wedi symud ymlaen, neu wedi tybio ei fod wedi’i greu i wneud rhywbeth arall.

Mae’r sesiwn hon yn daith ymarferol drwy’r pentwr technoleg sy’n gwneud gwir wahaniaeth i allforwyr B2B: platfform, gwerthu, marchnata, gweithrediadau, cyfrifeg, AI a chyfathrebu. Mi fyddwch chi’n ymwybodol o rywfaint ohono. Ond nid popeth. Bydd y cyfan yn cael ei fframio o amgylch y problemau dyddiol mae’n eu datrys a’r twf mae’n ei alluogi.

Mae’r nod yn syml: gadael gydag o leiaf un darn aur rydych fydd yn dwyn eich sylw yr wythnos hon nad oeddech chi’n meddwl amdano pan aethoch chi i mewn.

Bydd pob mynychwr yn derbyn aelodaeth am ddim i Gymdeithas E-Fasnach B2B, gan gynnwys yr hawl i ardystiadau ac adnoddau uwchsgilio.

Yn rhoi amlinelliad o brif fuddion cymryd rhan mewn Arddangosfa / Taith Fasnach Dramor gyda Llywodraeth Cymru.
Gall ymgysylltu’n uniongyrchol â marchnadoedd rhyngwladol - naill ai drwy arddangos mewn sioe fasnach neu drwy ymweld â darpar gwsmeriaid - fod yn gam allweddol o ran sicrhau a chynnal busnes byd-eang.

Mae’r Swyddfa Eiddo Deallusol (IPO) yn asiantaeth weithredol i’r Adran Gwyddoniaeth, Arloesi a Thechnoleg.
Mae gan bob busnes eiddo deallusol. Gall y Swyddfa Eiddo Deallusol eich helpu chi i ddeall sut mae patentau, nodau masnach, dyluniadau a hawlfraint yn gallu bod yn fanteisiol i’ch busnes. Gall gynnig arweiniad a chymorth os ydych chi’n ystyried masnachu dramor.

Mae Pitch&Co wedi cefnogi a hyfforddi cwmnïau ar draws ystod o sectorau i gynhyrchu’r cyflwyniad perffaith i ennill a thyfu busnes mewn marchnadoedd cenedlaethol a rhyngwladol. Mae ISP (Holi, Stori, Cyflwyno) wedi profi’n hynod effeithiol, a bydd y sesiwn hon yn eich cyflwyno i’r tri cham i sicrhau bod eich busnes yn llwyddo a thyfu.

Mae’r sesiwn hon yn cyflwyno hanfodion masnach ryngwladol. Bydd cyfranogwyr yn dysgu sut i ddefnyddio codau HS, yn deall pwrpas ac effaith Incoterms®, ac yn dysgu am elfennau sylfaenol Rheolau Tarddiad. Mae’r sesiwn hefyd yn rhestru’r elfennau allweddol sydd eu hangen ar anfoneb fasnachol, gan sicrhau bod dogfennau’n gyflawn ac yn cydymffurfio. Bydd y rhai sy’n bresennol yn y seminar hon yn ennill y wybodaeth greiddiol sydd ei hangen er mwyn allforio’n hyderus ac osgoi camgymeriadau cyffredin.

Nod y sesiwn yw darparu trosolwg o hanfodion rheoli allforio'r DU, gan ymdrin ag allforio a chludiant rhyngwladol cynnyrch Milwrol a’r ystod eang o nwyddau defnydd Deuol a reolir gan ddeddfwriaeth y DU e.e. cyfoethogi niwclear, Offer Gweld yn y Nos, Cemegeion o rannau cyfrifiaduron, Dronau a channoedd o eitemau eraill. Bydd y rhai sy’n bresennol yn ennill dealltwriaeth o ehangder rheolau cyfredol, ac os y’u torrir, mae hyd at 10 mlynedd o garchar yn bosibl, yn ogystal â dealltwriaeth o hanes a gweithrediad y rheolau. Hefyd, sancsiynau rhyngwladol presennol.

Bydd y seminar hon yn rhoi trosolwg o wasanaethau UKEF a sut y gallant helpu cwmnïau yn y DU i wneud y canlynol:
• ennill contractau allforio drwy ddarparu telerau ariannu deniadol i’w prynwyr;
• gwireddu contractau drwy gefnogi benthyciadau cyfalaf gweithio; a
• chael eu talu drwy yswirio yn erbyn diffygdalu prynwr.

Bydd y sesiwn yn egluro sut all defnyddio AI fod o fudd i allforwyr, gan feithrin twf yn y byd digidol.

• Sut all AI gefnogi allforwyr i ehangu ar draws marchnadoedd

• Defnyddiau ymarferol, go iawn AI mewn ffrydiau allforio dydd i ddydd,

• Defnyddio AI i gefnogi penderfyniadau mentro i’r farchnad

• Golwg realistig ar gyfyngiadau AI

•    Rhwystrau Technegol rhag Masnachu (Sefydliad Masnach y Byd)
•    Diogelwch cynnyrch UE/DU (A yw eich cynhyrchion chi’n ddiogel?)
•    Cynrychiolwyr Awdurdodedig (Beth ydynt a beth ddylent ei wneud)

Mae dyfodol masnach yn ddigidol! Bydd y sesiwn hon yn edrych ar y cefndir i’r newidiadau yn y byd masnach ryngwladol sy’n cael eu hysgogi gan dechnoleg. Byddwn yn rhoi sylw i’r hyn y mae angen i’ch busnes ei wybod nawr a sut y gallwch baratoi ar gyfer y dyfodol er mwyn sicrhau buddion cynhyrchiant.

Dewch i gael cipolwg ar allforio i’r Iseldiroedd mewn gwirionedd – y prif gyfleoedd a’r manylion angenrheidiol ar gyfer busnesau sy’n awyddus i archwilio allforion i’r rhanbarth.

Mae Marchnad Walmart yn cynnig y cyfle i fusnesau yn y DU werthu ar hyd a lled yr UDA, a hynny gan ddefnyddio’u platfform gwerthu pwerus ac sy’n ymestyn yn eang. Gall Walmart Fulfilment Services hefyd eich caniatáu chi i fanteisio ar y cwmpas hwn a’i integreiddio i’ch platfform gwerthu presennol yn ddidrafferth. Ymunwch â ni am gyflwyniad gan dîm Walmart y DU a’r cyfle i ymgysylltu mewn trefn 1 i 1 ar gyfer ateb unrhyw gwestiynau sydd gennych.

Dysgwch sut y gall Cytundeb Masnach Rydd newydd y DU- India helpu eich busnes i dyfu. Bydd y sesiwn hon yn amlinellu cyfleoedd allforio yn India, yn egluro sut i wneud defnydd llawn o fuddion y cytundeb, ac yn rhoi arweiniad ymarferol gan dîm Llywodraeth Cymru yn India a thîm Defnyddio Cytundeb Masnach Rydd yr Adran Fusnes a Masnach.